यी बालीकालाई सहयोग गर्ने कोही हुनुहुन्छ ? (फोटो फिचर)

२०५८ सालमा यी बालिका मात्र ९ महिनाकी थिईन । असार १५ गते यी ९ महिने बालीका घरमा खेलिरहेकी रहिछन् । त्यतिबेला भोजपुर ब्यारेकबाट तत्कालिन शाही सेना गस्तीमा हिडेको रहेछ । आम्तेक मुलाबारी १ मूलबाटो छेउमै यिनीहरुको घर छ । त्यो ठाउँमा तत्कालिन विद्रोही अवस्थामा रहेको माओवादी छन् भन्ने हल्ला सुनेर सेनाले गोली चलाउँदा घरभित्र बाल हाँसो सहित खेलीरहेकी यी अबोध बालिकाको पेटमा गोली लाग्न पुग्यो । त्यतिखेर उनलाई के भो सायद थाहा छैन् होला तर परिवारलाई कस्तो बज्र पर्यो होला तपाई आफै कल्पना गर्नुहोस ।

उनको पेटमा लागेको गोली छेडेर ढाडबाट निस्केको अहिले निको भइसकेको खतबाट प्रष्ट हुन्छ । उसबेला सेनाले यी बालीकाको काठमाण्डुको छाउनीस्थित अस्पतालमा लगेर उपचार गरिदिएको रहेछ । उसबेला राज्य पक्ष र विद्रोही पक्षबाट भएका यस्ता घटना धेरै छन् । जहाँ यस्ता अबोध बालबालिका द्धन्द्धको सिकार बन्न पुगे । धेरैले द्धन्द्धका नाममा ब्यत्तिगत राम्रो प्रगती गरे पनि यी र यस्तै घटनाले आहत भएका बास्तविक पिडितले अहिले सम्म न्याय पाउन सकेका छैनन् । राहतको कुरा त तपशिलको विषय हो । राहत लिने नाममा धेरैले फर्जि विवरण भर्ने गरेको तथ्यहरु फेला परे पनि यी बालीकाको नाम राज्यका कुनै निकायमा पर्न सकेको छैन् । यी र यस्तै बालबालीकाको क्षेत्रमा काम गर्ने भनेर  साउने झरीमा च्याउ सरी उम्रने गरेका एनजीओ आइएनजीओहरुले यी अबोधको छातीमा लागेको बन्दुकको चोट देख्न सकेका छैनन् । यीनी श्याशिलाको राधाकृष्ण माविमा कक्षा छ मा अध्ययनरत छिन् । यीनलाई कसैले सहयोग गरेनन् भनेर तपाई हामी पनि चुप बस्ने त ?  अहँ होईन । यी तपाई हाम्रै जस्ती छोरी हुन् । एक दिन खाने चिया नास्ता कटाएर सहयोग गर्ने हो भने उनको थप उपचार र पढाई खर्चमा ठुलो सहयोग पुग्न सक्छ । हेर्नुस त तस्विर । यी निर्दोषको आखाँमा आँसु प्रष्ट रुपमा छचल्किएको देख्न सकिन्छ । उनको अनुहारमा हाँसो थप्न सहयोग गर्ने कि ?